Anneke Krynauw

Ek het vanoggend die allerwonderlikste 'ding' ontdek: die webblad oor Vanwyksvlei! Sal vanaand as ek by die huis is hopelik rustig kan lees aan almal se stories.

Ja, ek was die skoolhoof se dogter ... Ons het in Oktober 1957 in Vanwyksvlei aangekom (ek was toe in Sub A) en daar gewoon tot April 1962. My broer, Kosie is daar gebore in 1958.

Die 'vloek' van die familie rus op my want ek is ook 'n onderwyser - Wiskunde. Woon tans in Houtbaai waar ek skoolhou by die International School of Hout Bay - 'n wêreld verwyderd van Vanwyksvlei met die bloekombome op die skoolgrond (seker nie meer daar nie?)

Dis so lekker om name te sien van mense wat ek goed kan onthou: Stompie Burger, Johan Joubert, Philip Burger, Miemie van Wyk, Van der Spuy Brink, Annien Pieters, ens. 

Dit voel vir my asof ek 'n geskenksak gekry het vol van lekker dinge, en dis nog nie eens Kersfees nie! Ek het nogal so in my agterkop begin beplan aan 'n moontlike kuier op Vanwyksvlei gedurende die Desember-vakansie, want ek smag na die wye oop vlaktes van die Karoo met sonbesies in die dag en baie sterre in die aand. Ek het glad nie geweet van die kerk se eeufees nie...

Ek dink nie ek het veel foto's van die tyd wat ons daar gewoon het nie, behalwe die ene wat reeds êrens op die webblad verskyn van die Krynauw-gesin; geneem in die pastorie se tuin, net voordat ons weg is.

Maar die herinneringe... genoeg om 'n boek te skryf!

Sal later weer klets en wil graag kontak maak met enigeen wat my nog kan onthou.

Mooi loop!

Willem Witbooi

Ek is bly vir die nuus wat ek kan lees wat Vanwyksvlei betref.

Ek het opgegroei in die plek.
Soutbosse, driedoring, gannabos, ysterdoring. 

Dankie aan Andre Oberholzer vir so 'n goeie projek.Jy sal my seker nie meer onthou nie.My noemnaam is Stokes.Ons twee het altyd baie saam gespeel.

Vanwyksvlei bly maar mooi.

Philip De Bruyn (Flippie)

Ek het my laerskool dae by tannie" Breggie" loseer, ons was n hele paar my suster Rulene, Pienkies Blaauw , Matie le Roux kan nie almal onthou maar dit was lekker!

Johan Mans het langs ons gebly, ons het altyd klei-lat gegooi teen die koshuis kinders en geswem in die voor.

Ek kan eendag onthou hoe ons n muishond by tant Breggie se hoenders moes jaag en dit vir Matie natgemaak het en het hy gestink, dankie vir Dettol in die bad het dit beter gegaan.

Ai hy het ook nog die kerkklok gelui en toe haak die hakie onder by die ketting sy broek en skeur dit net voor die kerk begin en moes eers 'n ander broek gaan aantrek.

Ons het ook lekker kwepers gaan steel, kan nie meer onthou by wie.

Ek het nog baie stories maar los vir later.

My Pa is verlede jaar 22Mei 2011 oorlede, en ons gaan nog gereeld plaas toe (Nieuwedam).

Ma Liena bly op Upington maar ai sy is n traveller nou!

Ek woon ook op Upington ('n Elektrisiën)

En as ek in dorp kom gaan groet ek altyd vir Tant Breggie, wat 'n wonderlikke mens !

Nouja Groete,

Flippie De Bruyn

Acy Kotze (de Kock)

Baie dankie aan almal wat al hulle stories met ons gedeel het dit bring soveel herinneringe terug. Ek is baie gelukkig om nog steeds gereeld op Vanwyksvlei te kuier by broer Vasie en al die onthous te herleef met soveel nuwe gesigte van kinders en kleinkinders wat nog daar is.

Is in 1950 skooltoe en loseer saam met Schalk en Ansie Buger en Gerhard Visser,Marien Pieters en Louis Gouws (laaankal nie meer met ons) by Mnr.en Mev. Koos Mostert en hul seun Pieter n hele huisvol.Die volgende jaar toe Vasie en Kolie moes skooltoe gaan word die huis gebou (nou gastehuis) en Marien gaan bly by Ouma En Oupa in Leeukolk Huis met Ansie en Schalk langsaan. 

Hoe lekker was dit om gou pouses uit te glip in die winter vir n warm plaatkoekie by Ouma Annie. Ja Annien met so 'n Ouma moet jy daarvan hou om in die tuin te krap want sy het die mooiste blomtuin gehad. Ek en Marien wat lag vir Mnr.Hanekom se kuif (altyd pynlik netjies ) as ons moet luister as hy Boekhou verduidelik. Marien het altyd gelag. Ansie die dag toe Tant Anna du Preez se mak kraanvoel jou gejaag het (het seker geweet jy gaan die hardste skree!)

Hannie Ber was 3 weke oud toe hy en sy Ma by my, Vasie en Kolie moes bly met Pieter se geboorte in Prieska

Piet Fourie my Pa was ook n Hannes Walters man maar ek en my Ma het gereeld oorgeglip na Gerber want daar het Amanda en Issie die mooiste materiaal verkoop en nou verkoop Tant Max daar heerlike biltong.

Johnny, ek was ook vir 10 jaar op Christana en het nog kontak met Rita Nieuwhoudt, Ben, Org en Lisbie het voor my groot geword.Ek stem saam dat jy nie nog vye,kwepers en granate kry soos op Vanwyksvlei nie al moet jy dit gesteel het want daar was oorvloed. Die lekkerste skaapboude kom nog steeds van VWV.

Ek sien nog Ds.Brink as hy saans kom melk haal met die jongste Brinkies, Kokkie die regop wittetjie en Vander Spuy die blas enetjie met die stout gesiggie.

Ek het 'n seun Louis in New Zeeland met 1 keinseun daar en 'n dogter Hanle in die Kaap wat dink dat Vanwyksvlei is die beste plek is na die hemel.Ek het 4 jaar gelede afgetree by Absa Bank Tygervallei en geniet dit om besig te wees met alles waarvoor daar toe nie tyd was nie

Wou so graag by die fees wees maar dalk sien ons mekaar weer op Vanwyksvlei

Gielie Steenkamp

Ek verlang na Vanwyksvlei, My vriende, Tyre Coetzee,,Willie Smit, Frikkie Luttig, Apie Augustyn en al die ou koshuis vriende, my klasmaats en so baie van die ouer mense wat waarskynlik nie meer leef nie. SIEN JULLE 6 - 9 APRIL 2012 SOOS DIE HERE WIL. Hoop om baie vriende weer te sien na ek 1961 daar weg is. Goeie wense, Gielie Steenkamp

Tollie Burger

Ek is Tollie Burger en het regte name vir die wat nie weet nie. Carel Johannes.
VDS en Annien, hierdie webtuiste is die beste ding sedert KFC. Hou so aan. Die oud VWV'S, komaan manne en meisies. Help met bydraes.Die vloedgolf van herinneringe laat man skoon nostalgies voel as jy die bydraes lees. Soveel mooi stories ens.

Het op Vanwyksvlei skool gegaan tot std 5. 1964. Daarvandaan Pretoria toe na Prinshofskool vir swaksiendes. Matriek 1969. Begin in 1970 by Eskom te werk in die kommunukasie bedryf en het dit vir die grootste deel van my loopbaan gedoen. Tree einde Maart 2012 af weens mediese ongeskiktheid.  Was getroud met Joy Du Toit, geen kinders en sy is hemel toe op 15 Mei 2011.

Groetnis
Tollie Hans

Johan Joubert

Ou Tol bel my gister en vertel my van hierdie wonderlike ding. Van der Spuy dit is sommer lekker om te lees van almal. Ek, Johan Joubert (of “Hannie Ber” soos ou Tol altyd gesê het), woon nou reeds 16 jaar op Piketberg. Tree die einde van die maand uit diens na 35 jaar in die skoolhou-besigheid. Is nou ‘n Kringspanbestuurder, in die ou-dae ‘n “skool-inspekteur”.  

My vrou Suzette is in Augustus 2011 aan kanker oorlede. Ek het vier pragtige kinders waarvan die jongste twee ‘n tweeling is wat nog studeer op Stellenbosch. Die oudste seun is getroud maar die kleinkinders is nog nie op pad nie. Ek gaan my op Hartenbos vestig waar my huis is. Eintlik is jou huis mos waar jou kinders is, soos Coenie de Villiers sing in “Hart van Glas”. Ek sal weer in 2013 begin werk as dit so beskore is.

Ons was bevoorreg om die afgelope klompie jaar redelik gereeld op Vanwyksvlei te kom. Theo en Nana Avenant het daar gaan aftree en ons het ‘n kuierplek gehad. Wonderlik om daar so tussen die randjies en die swartklippe te kan rondloop. Ek was maar 13 jaar oud toe ons Kaap toe getrek het na standerd vyf. Al was ek nog jonk sal die Karoo nooit uit my bloed kom nie. As ons so Vanwyksvlei toe gery het, het ek altyd vir my vrou gesê hoe mooi dit is dan wou sy weet, “hoe kan die swart klippe dan mooi wees”.  Jul sal weet van dié mooi.

Waar is die dae toe ons ouma Kokkie (ant Hester de Kock) se voorgras stukkend gespeel het. Ek, Stompie, VDS, ou Tol, Piet de Kock, Johan Visser en nog meer. Dan ook nog kennikie in die agterstraat saam met die groot manne. Toe ons in standerd drie was, was die groot manne in standers ses en sewe. Middae het hul (Boetie, Donnie, Ruben en oom Ras se seuns) in ouma Kokkie se garage gaan rook voor hul die perde “bewerk” het.  Dan het ons klomp kleintjies hul darem bewonder.

En dan het ons ook vrugte gesteel by almal op die dorp. Granate by oom Ras, lemoene by oom Hansie. Tol was saam as ons by sy pa die steelwerk doen. By die pastorie kon ek en Stompie niks anders kon vaslê as blomkool nie. Ai en waar is die Tarzan-flieks in die kerksaal.

Sien jul Paasnaweek 2013 op Vanwyksvlei.

Charline Hewett (de Kock)

Ek is Charline Hewett (de Kock), vierde dogter van Charles en Hester de Kock van Kom Nader (6 kinders).  Ek was die naweek op 'n stunning troue in Franschoek van Yolandie van Niekerk, dogter van Attie en Ela van Niekerk, nou getroud met Craig Metrowitz.  Ela was Piet en Johanna Smit se dogter.  Sjoe, so kan ons aangaan en familie uitlê, lekker né.  Dit is sonder om politiek te praat!

Natuurlik op die troue was daar baie bekendes.  Oulike mense, almal VanWyksvleiers.  Die ene Ais Eastern, Floors en Aletta se vierde kind, vertel my toe van die wonderlike kommunikasie op die internet.  Ai, die nostalgie het my in ‘n ystergreep.  Sien net al die jong mense wat briewe skryf.  So ek krap 'n gaatjie vir my generasie klomp, maar sien darem ook daar vir Ansie Burger en Winston Alston. 

Ek is ook nie op Facebook nie, te tyd rowend.  Ek woon al dertig jaar in Seepunt, het een seun, William Hewett.  Hy gee klas in Denemarke en doen “chaos piloting” in Colombia, Bogota.

Wil nie sê totsiens nie, maar sien julle weer op hierdie lekker kommunikasie blad.

Liefde groete

Charline Hewett  

Piet Kruger

Goeiedag uit die VSA,

Ek was nog nooit in my lewe in Vanwyksvlei nie, maar het van die plek gehoor toe ek vir my jaar diensplig in 1968 in die Lugmag was. Ek en 23 ander manne was vir die vegterbeheer offisierskursus op Waterkloof lugmagbasis gestasioneer waar ons die 5 maande kursus voltooi het.

Een van die manne was Van Zyl Brink, predikantskind uit Vanwyksvlei, 'n baie aangename man en 'n goeie vriend. Altyd reg vir sports.

Een lang naweek (ek dink dit was paasnaweek of hemelvaart) het Van Zyl besluit hy ryloop Vanwyksvlei toe. Hy het sover as (ek dink) Prieska gekom, toe besluit hy dat hy dit nie heen en weer gaan maak nie. Toe daar ook dan 'n motor van die ander kant af kom, stap hy oor die pad en begin sy tog terug Pretoria toe, waar hy betyds terug was om die verlore slaap in te haal en reg te wees vir die volgende werksdag!

Piet Kruger (vroeer van Ellisras)
Holly Springs
North Carolina VSA

Annelie de Bruyn ( dogter van Annie Kokt)

Ek is 'n kleindogter is van Ouma Hanna Kokt wat al haar jare in VanWyksvlei gewoon het sy het 10 kinders gehad en almal is op Vanwyksvlei deur die skool.

Ek onthou die vakansie by Ouma soos gister . My Tannie Irene Kokt het al die jare in die sentrale gewerk en toe later Posmeesteres geword en sy woon nou by haar oudste seun Johnny in Bloemfontein.

Sy het my ouma opgepas tot die dag van haar dood.  My ouma was bekend by almal want daar was min mense wat nie by, soos hulle haar genoem, het Ouma Hanna eers kom groet het nie.

Ruben Avenant

Ek het so met n ompad hierdie adres gekry en lees toe so van die ouens se stories. Ek was veral bly om van Philip en Annien te hoor al baie gewonder wat van hulle geword het.

Ek het ook 1963 gestanderd 8 toe Paarl toe.Langstorie kort ek is nou op Bothaville woonagtig nog steeds in die versekerings bedryf en sal soos Stompie se daar bly tot ek omval.

Ek sal die ander se stories lees sodra ek tyd kry, moet se my gedagtes loop op verpaaie.

Hannelie en Jan van Wyk

Dit is met 'n swaar gemoed wat ek die stuur, want ek weet julle gaan 'n ongelooflike lekker tyd hê daardie paar dae, netsoos die Vanwyksvleiers kan saam kuier.  Ek en Jan (my man) ek was Moolman, het nog familie in Vanwyksvlei.  

Ongelukkig moet hy die Two Oceans gaan hardloop. My deel wat ek wil bydra is.  "There is no place like home" en aan almal geniet dit.  Ons harte brand.Baie liefde Jan en Hannelie van Wyk. NS: Ons sal 'n glasie op jul klink!

Elton Hurst

Baie mooi webtuiste.

Sal  bietjie vir my ma wys. Sy is 'n oud Vanwyksvleier. Marinda Claassen. Haar pa was Piet Claassen en ma Esma Claassen. My oupa posmeester vir jare op die dorp. My ma het 2 sisters gehad. Sandra Claassen en Tertia.

Was jare laas in Vanwyksvlei.
Nog net my ma, Marinda en haar sister, Tertia wat nog lewe.
 
My oupa "Piet Pos" is in 1993 oorlede en ouma Esme in 2004 aan Motor Neuron siekte.
 
Sandra die middel suster is in 1980/1981 vermoor.
 

Lafras Moolman

Ek het aan die begin van my skoolgaan ,1954 ,by tannie Ricey v/d Merwe loseer en later by my ouma, sy was woonagtig in die ou pastorie.

Om met "Dinky toys" te speel en fiets te ry was ons groot tydverdryf. Ek en Pieter Mostert, sy pa was onderwyser, het 'n hele uitleg gehad in my ouma se erf, plase , dorp , paaie ens wat ons met ons "Dinky toys" bedryf het. Hennie van Heerden en Frikkie Luttig was my fiets maats en ons het mekaar weer uitgedaag met fietse. Kleilat gooi langs die leivoor, kennetjie en blik aspaai was ook lekker speletjies.

Baie nuwe motors van die gemeenskap het ook 'n indruk op my gemaak as kind. Oom Vivien White se linkerstuur Chev Belair, 1957, was indrukwekkend so ook oom Christiaan White, Aletta se pa , se blou Chevrolet, oom Piet de Kock se geel Dodge en so kan ek baie motors van ooms onthou.

Na ek st agt voltooi het , het ek na Jan van Riebeeck Kaapstad gegaan vir een jaar, maar was nie suksesvol nie en het toe matriek in Carnarvon voltooi. Daarna na die weermag en toe Grootfontein Landbou Kollege. Getroud met Charlene Marais en 3 kinders en 2 kleinkinders. My seuns woon in die Kaap, besit hul eie maatskappy , bou en doen opgradering van fabrieke en my dogter gee onderwys in London.

Ek woon in Glentana en is nog betrokke met die boerdery in Vanwyksvlei distrik, plaas Brilsedam.

Ek probeer ou fotos van ons mense, skoolfotos, familie fotos of van enige aktiwiteite van destyds in Vanwysvlei te versamel en sal dit waardeer as dit aan my per e-pos gestuur word.

Sien julle by die fees.

Groetnis uit Glentana

Miemie Van Wyk

Het nou lekker gekuier op die Vanwyksvlei webwerf en gelees oor Tannie Maude en Oom Arthur, die vloed en al die ander….Hulle oudste seun is hier in Vryheid KZN geneesheer.
     So 22 jaar gelede is ek en my oorlede man Hercules Anderson hierheen verplaas. Hy was bestuurder by die plaaslike Trust Bank.Net 8 maande later moes ek desperaat in die nuwe dorpie ‘n Dokter skakel toe my man ‘n massiewe hartaanval kry.
     Die dokter was Dr. Cedric Alston en wat was my verbasing toe ek hoor hy kom vanaf Vanwyksvlei.Toe hy sy kop skud het ek geweet Hercules is vir goed weg, maar wat ‘n vertroosting was dit nie om iemand so vreemd maar tog ook so bekend se hand op my skouer kon hê.
      Hy was ‘n groot troos tot Ma Anna vanaf Stinkbrak kon arriveer om verder vertroosting en bystand te kom gee.
     Ek is 16 jaar gelede weer getroud en my van is nou Kemp. Dankie vir die webwerf. Ek sal beslis ‘n gereelde besoeker wees. As enige van julle hier deur Vryheid ry, draf gerus in vir ‘n lekker koppie boeretroos.

Groetnis aan julle almal.

 Miems Kemp     

Jan en Ina Botes

Ons was in Vanwyksvlei vanaf 1977 tot 1981.  Ons kinders (3) beskou Vanwyksvlei as hulle grootword dorp.  Hulle het die skool daardie jaar laat groei tot 42.

    Kort na ons koms daar het ons 'n funksie gehou en my vrou wou baie graag slaaie saam met die braaivleis bedien.  (Stads-idee)  Die gemeente vroue het die idee gelate aanvaar maar die hoeveelhede verminder.  En met groot verontwaardiging moes Mev Ds agterna besef dis vleis-etende mense, slaaie tel nie.  (want vir groente slag hulle varke)

     Ek herinner my aan 'n brand wat uitgebreek by die water-voor langs die dorp.  Omdat daar nie 'n brandweer was nie, moes almal kom help vuurslaan.  Daar het ons die aand gesien wie is die slaners en wie is die toeskouers.

     Ons het 4 hans-lammers present gekry.  Natuurlik moes die pastorie ma hulle met bottels voed.  Ons jongste het elke dag met hulle deur die dorp gaan stap.

     Een Vrydag oggend tydens 'n vroue-biduur in die kerk, het mev Ds 'n geraas by die hoofingang van die kerk gehoor.  Verskeie moontlikhede het deur haar brein geflits, maar tot haar ontsteltenis het sy haar jongste se klein koppie bokant die banke sien uitkom.  Sy het onmiddelik stilgebly want sy het besef as sy een woord sê gaan die hanse op haar afstorm vir melk.  Sy het aan die jongste beduie dat hy by die sy deur van die kerk moet uit met sy hanse. 

     En toe die hele petalje verby was, kon mev Ds aan die waardige tannies voor haar met die groot rand hoede van daardie tyd, voortgaan met haar boodskap van die oggend.

Ons het mooi herinneringe aan Vanwyksvlei.